للتنبيه…


 

 

 

ادى انجلينا جولى…تلك المرأة التى لا يعرف عنها المصريون الا تفاصيل تفاصيل شكلها و أبعادها!!! واحدة من بلاد الملحدين أو الكفرة كما يسميها البعض…واحدة لا تعرف حاجة عن الدين و بتلبس من غير هدوم و أفلامها مبهدلة الدنيا و كل واحد نفسه يتجوز واحدة نص شكلها…!!!! جميل…!!!
الواحدة اللى فيها كل العبر دى…لم يتعلم الشباب منها شىء أو زملائها الفنانين العرب مطربين كانوا أو ممثلين…
المطربين و الفنانين…عملولنا مسلسلات رهيبة جدى…والله صدفة على الفطار اتفرجت على حلقة من مسلسل يدعى الزوجة الرابعة صدفة بما ان أنا قاعد وسط العيلة…استحيت من أحداث المسلسل والكلام اللى بيتقال فيه أكثر مما بتكسف لما أسمع واحد فى الشارع بيشتم التانى بأمه و أهله أجمعين!!
الناس الحلوين دول عملولنا مسلسلات لا تزيدنا من أى ناحية…ولا تعلمنا و لا تمتعنا حتى..لقطات نص لبة و رقص و مسخرة و غناء…ويا ريته كان فن حتى أهو الواحد يلاقى مبرر…انما لم يقدموا لنا الا كل ما هو اسفاف…!!!
الناس الحلوة دى بتتنافس على الملايين…وبتتنافس على الظهور و الحديث عن أنفسهم…والممثلات تحديدا و المطربات يتنافسوا فى اظهار حلاوة كل واحدة فيهم…ده فى رمضان مش باقى السنة للعلم بالشئ!!!!
محدش كلف خاطره يعمل حاجة كويسة…مش هقول يروحوا أى بلد تانية يشوفوا مشاكل الناس…لأ هما ماشافوش مشاكل الناس اللى جوه…و مقدموش فلوس و لا حتى اعلان ربع دقيقة توعوى للناس…الله يكرمهم مطرح ما هما قاعدين بس ده للأسف المتوقع منهم…
انجلينا جولى بالنسبة لى حاليا…انسانة تفوق انسانيتها انسانية الكثير من المشايخ…اللى بيدعوا لحاجات عمرى أنا كشخص ما شفتهم عملوها…
سهل تقول بطل تشرق و بطل تكدب و امشى عدل…وليس من السهل أن تقنعنى بما تقول من كلام الله العظيم أو كلام رسوله الكريم عليه الصلاة و السلام الا و أنا شايف فيك القدوة الحسنة…ده لو أنا معرفش الكلام ده كله…يشكروا على محاولة التنبيه…ولكن معظمهم فعلا يفتقر الى القدوة و المثال الحسن…!!!
ومن العيب تماما أن تكون تلك الممثلة هى القدوة الحسنة التى يستشهد بها الناس و عن أعمالها الخيرية التى تكاد تصل الى حد البطولة!!!! ليه يعنى معندناش حد يعرف ربنا و يعمل كده؟؟؟ طبعا فيه بس دول الناس العادية…الناس اللى فى الشارع…انت..جيرانك اصحابك و كده…مش الناس بتوع التليفزيون..
شكرا اعلامنا المصرى…الذى نشر الفساد فى الأرض…وشكرا للفنانين و المشايخ و كل قدوات المجتمع و التى يفترض أن تكون حسنة…!
وشكرا انجلينا على مجهودك و على هذا التنبيه…ودمتم!

 

 

 

Advertisements

Posted on July 24, 2012, in فضفضة. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: